..................

#Tere dunia ma ya rab zeest k samaan jaltay hain
fareb.e.zindagi ki aag ma insaan jaltay hain.........

#Apane kad ko kabhie chaadar se baRhaayaa naheeN karte
bas dikhaave ke liye hum ko saNvarnaa naheeN aata..

#Aziz itna hi rakho k dil behal jaye
ab iss qadar bhi na chaho k dum nikal jaye

#Meri ronay ki haqeeqat jis may thi
ek mudat tak wo khaghaz num raha

#Uss ne pocha kb se nahi soye..........
Main tab se raat jagny ka hisab liye phirta hon.........

#Na itna tot kay mileye kay dil per shak guzre
khulos main bhi zarori hai fasla rakhna

#ye aur baat k wo lab thy phool se nazuk
koi na seh sake lehja karakht aisa tha.

#Ek fakir ne zindgi ki kuch yun missal di,
muthi mai bhar kar raakh hawaoon ma ucchaal di

#Tum ruh mai bhi shamil ho rago mai bhi ravaan ho
mager mere haaton ki lakiroon mai kahan ho

#Mere aansu utha lete hain mere ghamon ka bojh,
Ye wo mohsin hain jo ehsan jataaya nhi kerte..

#Guzarte hain raah-e-ishq me saare he zamaane,
Milne ko taras jaana kabhi,kabhi taraste hue milna..

#Kitna karz chukana hoga khuda tere dar pe is zindgi ka..
maine to na chaahi thi.. ye zindgi jo tune di hai..!!

#Meri aankhon mein ansooun ko rehne ki adat si ho gayi hai
Ae Khuda ! tarap utha hun mein ab to is nadi ko thehra do

........................

#Main bus aik baar lajawab howa faraz,
kisi apnay ne kaha jab mujhe kaun ho tum..!!!

#"Zaroorat"torr deti hai "gharoor_e_beniazi ko Faraz"
na hoti koi majboori to har banda "wafa karta"


#Yeh Meri ZEEST ki Sab say Bar’ri TAMANA thi
VOH Mere PASS Mere NAAM ki Tarhan Rehta...!!!

#Keh raha hai mauj-e-dariya se samandar ka sukoot,
Jis mein jitna zarf hai utna hi woh khamosh hai!

#Ab Usy Roz Na Sochon Tu Badan Tootta Hai Mera !!
Aik Umar Ho Gi Hai Us ki Yaad Ka Nasha Karte Karte !!

#Waqt ka mujhse shayad bair puraana hai,
Mohabbat ke din tang aur birha ki raatein hamesha lambi rahin....

#Kis qadar dilshikan tha wo lamha na puchiye
yado'n ko saath leke jo dil me utar gaya

#Mai To Badltay Huye Halaat Mai Dhal Jata Hoo'n..
Dekhne Walay Adakaar Samajte Hain Mujhay!

#Apni Naakami Ka Ek Yeh Bhi Sabab Hai Faraz,
Cheez Jo Maangte Hain, Sab Se Juda Maangte Hain!!

.......................

#Yaado.n kii ek bhii.D mere saath chho.D kar
kyaa jaane vo kahaa.N merii tanhaa_ii le gayaa
~Rahat Indori

#Tere Bando ki Hashra aaraaieyaa dekhi nahi jaati
Khudavandaa bataa tere Jahaan ko kis tarah badlein...
~Akhtar Sheerani

#ek khushi, thode gham..
udaas kehkahe, aankhein nam!

#Ye baat ki suurat ke bhale dil ke bure ho.n
allaah kare jhuuTh ho bahuto.n se suunii hai
~Bashir Badr

#Ka_ii ajanabii terii raah ke mere paas se yuu.N guzar gaye
ji.nhe.N dekh kar ye ta.Dap hu_ii teraa naam leke pukaar luu.N
~Bashir Badr

#Ronewaalo.n se kah do unakaa bhii ronaa role.n
jinako majabuuri-e-haalaat ne rone na diiyaa
~Sudarshan Faakir

#yaade.n chalii.n Khayaal chalaa ashk-e-tar chale
lekar payaam-e-shauq ka_ii naamabar chale

[payaam = message; naamabar = messenger]
~Hosh Tirmazi

#Patthar ke Khudaa patthar ke sanam patthar ke hii insaa.N paaye hai.n
tum shahar-e-mohabbat kahate ho ham jaan bachchaakar aaye hai.n
~Sudarshan Faakir

#Mahiine vasl ke gha.Diyo.n kii suurat u.Date jaate hai.n
magar gha.Diyaa.N judaa_ii kii guzaratii hai mahino.n me.n
~Sir Mohammed Iqbal

#Mahafil me.n log chau.Nk pa.De mere naam par
tum muskuraa diye merii qiimat yahii to hai
~Hasim Raja

Sikayat

#Tumhara zarf hai tum ko mohabbat bhool jaati hai
humein to jis ney hans kar bhi pukara yaad rehta hai



#Aaja keh abhi zabt ka mosam nahin guzra
aaja keh pahaaron per abhi berf jami hai
khusboo ke jazeeron se paharoon ki hadon tak
is sheher main sab kuch hai bas teri kami hai



#Apne siva batao kabhi kuchh mila bhi hai tumhein
hazaar baar lee hain tumne mere dil ki talaashiyan...


#Pathar ke khuda, pathar ke sanam, pathar ke hi insaan paaye hain
tum shehar-e-mohabbat kehte ho, hum jaan bachaa kar aayen hain
~Sudarshan Fakir..


#BeruKhii is se ba.Dii aur bhalaa kyaa hogii
ek muddat se hame.n us ne sataayaa bhii nahii.n
--Qateel Shifaai



#Ek pal main sadiyon ka maza hum se poocheye
do din ki zindagi ka maza hum se poocheye
bhoole hain rafta rafta unhe muddaton me hum
qistoon main khudkushee ka maza hum se poocheye


#Woh kar rahe the badi Saadgi se Sach ki baat,
Uff.. Uss waqt hamare haath mein Aaina nahi tha..!

#Aye pyaar bata.. Teri nazron ka Qaraar paaun kaise,
Kaise Dil mein utroon Toot kar chahoon kaise..!

#Tumhaare dil me.n kahaa.N merii yaad kaa paratau
vo ek halkaa saa baadal thaa chhaT gayaa hogaa
[paratau=shadow]
~Sufi Ghulam Mushtafa


#Phuulo.n kii aarazuu me.n ba.De zaKhm khaaye hai.n
lekin chaman ke Khaar bhii ab tak paraaye hai.n
~Abdul Hameed Adam


#Biitaa diid ummiid kaa mausam, Khaak u.Datii hai aa.Nkho.n me.n
kab bhejoge dard kaa baadal, kab barkhaa barasaaoge
~Faiz


#Tumhara zarf hai tum ko mohabbat bhool jaati hai
humein to jis ney hans kar bhi pukara yaad rehta hai

#Tumhaare dil me.n kahaa.N merii yaad kaa paratau
vo ek halkaa saa baadal thaa chhaT gayaa hogaa
[paratau=shadow]
~Sufi Ghulam Mushtafa

#Rasme ulfat hi ejazat nahi deti warna
hum bhi aisa tmhe bholen k sada yaad karo

#Ye Masroofiyat Chant Jaye To Tera Sath Bhi Paaonga..
Aisee Tasallee Mai Aksar Jeene Ka Sahara Hota Hai!!

Beautiful 2 lines :)

*Yeh maana k Sheesha-e-Dil Raunaq-e-Bazaar-e-Ulfat hay
Magar jab TOOT jaata hay to QEEMAT aur hoti hay…!!!


*Kisi aur ko na MERE haal say na Gharz hay koi na Vaasta
MEIN bikhar gaya hoon SAMAIT lo, MEIN biggarr gaya hoon SANWAAR do…!!!


*Ranj Gham, Dard Alam, Yaas Tamanna, Hasrat
Ek TERI Yaad k hoonay say hay kya kya DIL mein…

*Hisaab-e-umer ka itna sa goshwara hain
Tumhe nikal kar dekha to sub khasara hain

*Zabt-e-Ghum koi aasaan kaam nahi hai FARAZ
Aag hotay hain woh aanso jo piay jatay hain

*Mazza barsaat ka chaho to in aankho main aa behto
Wo barso main kabhi barsey ye barso se barasti hain

*Sawan bhaado saath (60) hi din hain, phir wo rut ki baat kahan
Apney ashk musalsal barsain apni si barsaat kahan

*Rehne Do Ab Key Tum Bhi Mujhey Padh Na Sako gay
Barsaat Mein Kaaghaz Ki Tarah Bheeg Gaya Hun

*Baarha mujhse kaha tha mere yaroon ne WASI
Ishq dariya hai bachoon ko nigal leta hai

*gum apni mohabbat main dono,nayab ho tum nayab hain hum
kya hum ko khuli ankhain dekhain,ik khwab ho tum ik khwab hain hum

*Is zindage main itni faragat kise naseeb
itna na yad aa kah tuje bhool jaeein ham

*Mohabbat ki kahani ho ya buzargon ki zeemenain
jo chor diya phir usse murr ker nahi dekha

*Wo to kucH Ho he gai tum say mohabat werna...
hum to wo khudsar hai k apnii bhi tamana na karein.

*Us ki aankhon mein mohabbat ka sitara ho ga
ek din aaye ga woh shakhs hamara hoga..

*AB Samajh laitay hain Meethay LAFZ ki Karr’vaahatien
Hoo giya hay Zindagi ka TAJURBA thora bohat…

*Kabhi lamha bhar bhi guftago meri us key sath na ho saki
Mujhy fursatin na mil sakin Wo hawa key rath pey sawaar tha

*EK Mehfil mein Kai Mehfilien hoti hain Shareek
Jiss ko bhi Pass say Daikho gay VOH TANHA ho ga...

*Rabte Had Se Ghuzar Jay To Gum Milte Hain
Isi Liye Aj Kal Hum Logon Se Kam Milte Hain

*Gae lamhaat fursat ke kahan se dhoond kar laon
wo pehron haath par likhna mohabbat mar nahin sakti


*Yehi bohat hai qayam rahay wafa ka bharam
koi kisi ka hua bhi hai umar bhar k liye?!?


*Dukh sab kay mushtariq thay magar hoslay judaa
koi bikhar gaya toh koi muskuradiyaa


*Koi khawaish naheen tuj say magar aay umr-e-rawan
mera bachpan, meri gudiya, meray jugnoo la de..

*Na jaane bheegi hain palke.n ye kyoon dam-e -rukhsat
raha hoon main to rahe ghum mein umr bhar tanha

*Hajoom-e-gam meri fitrat badal nahin sakta
Main kya karoon mujhe aadat he muskurane ki

*Yaad rakhne ke liye aur na bhulane ke liye
Ab woh milta hai sirf rasm nibhane ke liye

..........

tum meri aankh k tevar na bhola paogay
ankahe baat ko samjho gay tu yaad aaonga

hum na khoshioon ki tarah ghum b ikhattay daikhay
safhaye zeest ko palto gay tu yaad aaonga

iss jodayee ma tum andar sa bikhar jaogay
kisi mazoor ko daikhoogay tu yaad aaonga

hadsay aaingay jeewan ma tu tum hogay nidhal
kisi deewar ko thamo gay tu yaad aaonga

ISS MA SHAMIL HA MERAY BAKHT KI TAREEKI B
TUM SIYAH RANG JU PEHNO GAY TU YAAD AAONGA

*.**.*

andheeri rahun k iss safar main
k jis ka unwaan zindagi hai

bohat se dushwaar marhale hain
ghamon k tareek silslay hain

dukhun se chalnii har ik khushi hai
bohat hi mushkil hai mere humdam

kuch aise rastun pe tanha chalna
mager jo mujh ko chala rehi hai
tumhaari YAADUN KI rooshni hai

.............

Wo Gumaan Gumaan Sa Qayas Sa
Kabhi Duur Sa Kabhi Paas Sa
Kabhi Chaandni Mein Chupa Hua
Kabhi Khushbuo’n Mein Basa Hua

Kabhi Sirf Us Ki Shabahatei’n
Kabhi Sirf Us Ki Hikayatei’n
Kabhi Sirf Milney k Silsiley
Kabhi Sirf Us Se Hyn Faasley

Kabhi Duur Chalti Hawao’n Mein
Kabhi Meena Barasti Ghatao’n Mein
Kabhi Bad-gumaan Kabhi Meherban
Kabhi Dhuup Hy Kabhi Saayebaan

Kabhi Band Dil Ki Kitaab Mein
Kabhi Lab-khushaan Wo Khwaab Mein
Kabhi Yun k Jese Sawal Ho
Kabhi Yun k Jese Khayal Ho

Kabhi Dekhny k Hyn Silsiley
Kabhi Sochney k Hyn Marhaley
Kabhi Sirf Rang-e-Bahaar Sa
Kabhi Sirf Ek Ghubaar Sa

Kabhi Dastaras k Qareeb Qareeb
Kabhi Duur Paas Kahi’n Nahi
Ye Jo Ukhraa Ukhraa Sa Shaks Hy ! ! !
Ye Jo Bikhra Bikhra Sa Shaks Hy ! ! !

*.******.*

ankho’n Mein Husht Rung Liye
Tamam Saman-e-Jung Liye
Utra Zameen-e-Dil Pe Wo
Masoom Adae’n Sung Liye
Mera Dil Wo Aise Le Udaa
Jese Hawa Chale Patang Liye
Phir Us Ka Ishq Tha Aur Deewangi
Dil Mein Ek Ajab Umang Liye
Jab Saadgi Ka Teer Chala
Zeher-e-Bewafai Ka Zung Liye
Tere Ishq Mein Marr Mitaa
Dehan Mein Zubaan Gung Liye

Jo Chala Muqadma Mere Khoon Ka
Tou Us Ne Kaha Mujhy Pata Nahi
Meri Saadgi Hi Mera Jurm Hy
Aur Koi Meri Khata Nahi

...........

Veeran Bohat Hoon Wasl Se Tashkeel Ker Mujhy
Tuu Mujh Se Pyaar Ker Zara Tabdeel Ker Mujhy

Sehra Ki Tapti Reath Se Aa Ker Mujhy Bachaa
Tuu Thandey Meethey Paani Ki Ek Jheel Ker Mujhy

Ho Jaaye’n Na Kharaab Kahi’n Meri Aadatei’n
Har Hukm Par Na Is Terha Tameel Ker Mujhy

Ab Is Terha Se Mujh Ko Adhuura Na Chorh Tuu
Main Hoon Tera Waada Tuu Ab Takmeel Ker Mujhy

Chuu Ker Mera Wajood Tajallu Si Bakhsh De
Main Ek Andheri Raat Hoon Qandeel Ker Mujhy

*.*.*.*

Suna Hai
Jab Hichki Aati Hy
Tou ! ! !
Koi Yaad Karta Hy
Agar Is Baat Main
Thori Si Bhi Haqeeqat Hai . . .
Tou ! ! !
Na-Mumkin Hy K . . .
Tumhari Hichki Ek Pal Bhi Rukti Ho . . .

..........

Mohabbat dukh tou deti hy
Magar ek baat kehni hy
K jisko chaha jata hy
Zaruri ye nahi hota
K usko pa liya jaye
Kabhi us k bicharney se
Mohabbat kam nahi hoti
Zara si dair pehly tou
Yehi ehsas hota hy
K koi jee nahi skta
Magar phir rafta rafta hii
Haqeeqat khulti jati hy
K . . .Mohabbat wo nahi hoti
K jis ko paa liya jaye
Mohabbat wo bhi hoti hy
Jo hamesha saath rehti hy
Kabhi dukh k andhero'n mein
Kabhi khushio'n k daaman mein
Kabhi wo aas deti hy
Kabhi umeed deti hy . .

Manzil

Chalo Hum Maan Lete Hyn
Tumhei'n Hum Kho Chukey Lekin
Tumhari Yaad Ab Tak Bhi
Humein Betaab Rakhti Hy
Humari saans Ab Tak Bhi
Tumhari Aas Rakhti Hy

Magar Ab Ye Bhi Sunte Hyn
Tumhari Raah Roshan Hy
Tumhe'n Bhi Mil Gaya Koi
Magar Afsos Hum Jesa
Agar Paao Kahi'n Tum Tou ! ! !
Mujhy Bas Itna Likh Dena k
. . . Mazil . . . Mil Gayi Mujh Ko

Intezaar

Sardiyo'n Ki Ek Hassen Raat
Halki Halki Baarish
Badal Ki Awaaz
Tap Tap Kerta Paani Ka Surr
Halki Halki Phuaar Ka Shor
Badan Ko Cheerti Hui Sard Hawa Ka Jhonka
Laltain Ki Damm Todti Lau
Jaise Meri Saanso'n Ki
Tarjumaan Thi
Mera Aakhri Waqt Bhi Kitna Haseen Tha
Par Is Mausam Ki Terha Udaas
Kuch Achaai Mujh Mein Nahi
Wafa Ka Paas Tou Hy Phir Mat Kehna
"Kuch Intizar Tou Kerty"

................

#Gham

Jo Kuch Bhi Mila Hy Usay Seene Se Laga Lo

Sikkay Ki Terha Gham Ko Uchaala Nahi Kerte ...

#Roona

Mein rooun to daro dewar mujh pey hansney lagtey hain.

Hansoon to merey andar janey kya kya toot jata hai.

#Gujarish

Main Tum Se Kuch Nahi Kehta Faqt Itni Guzarish Hy ...

K Utni Baar Mil Jao K Jitna Yaad Aate Ho ..

#Ham Ek Hein

Main Jab Bhi Toot'ta Hoon Tujhe Dhoondta Hoon

Tum Ne Ek Baar Kaha Tha , HUM EK HAIN ... !!!

Hindi Sayari(On Maa'n by Munawwar Rana )

#1
Meri khwahish hai ki main phir se farishta ho jaun
maa'n se is tarah liptun ki bachcha ho jaun

#2
Labon par uske kabhi bad'dua nahi hoti,
bas ek maa'n hai jo kabhi khafa nahi hoti...

#3
Is tarah mere gunahon ko wo dho deti hai,
maa'n bahut gusee mein hoti hai to ro deti hai...

#4
Duaen MAA ki pohchaane ko milo-mil jati hai,
ke jab pardesh jane ke liye beta nikalta hai.

#5
Jab bhi kashti meri sailab mein aa jaati hai
maa'n dua karti hui khwaab mein aa jaati hai

#6
tere daman mein sitare hain to hongein ai falak
mujhko mere maa'n ki maili oodhni acchi lagi

#7
woh to likha ke laai hai kismat mein jaagna
maa'n kaise so sakegi ki beta safar mein hai

#8
jara si baat hai lekin hawaa ko kon samjhaaye ,
ki meri maa'n diye se mere liye kaajal banaati hai

#9
Maine bulandiyon ke har nishaan ko chuaa...
Jab maa ne god mein uthaya to aasman ko chuaa!

#10
ye aisa karz hai jise mai ada kar hi nahi sakta,
mai jab tak ghar naa lautoon,meri maa 'nsajde me rehti hai

#11
Sakht Raahon me bhi aasaan safar lagta hai...
Yeh meri maa' ki duaaon ka asar lagta hai...

#12
kisii ko ghar milaa hisse meN yaa koii dukaaN aaii
maiN ghar meN sabse chhoTaa thaa mere hisse meN maa'n aaii

#13
Ae andhere dekhle munh tera kala hogaya
Maa'n ne aankhein khol di gahr me ujala hogaya

Hindi Sayari

#Masoom Kharidaar
Jee Chahta Hai Usay Muft Main Jaan De Doon Faraz
Itne Masoom Khareedar Se Kia Lena Dena ....

#Wafa
Mana K Tum Gutagu K Mahir Ho Faraz
Wafa K Lafz Pe Atko Tou Yaad Ker Lena

#Mujhko Khuda ne banaya hai
Mujhe Us Matti Se Khuda Ne Banaya Hy Faraz
Azal K Din Jo Reh Gai Thi Wafa K Waastey

#Zakhm
Shiddat-e-Dard Se Sharminda Nahi Meri Wafa Faraz
Dost Gehre Hon Tou Phir Zakhm Bhi gehre Honge

#Khud hi chal parro
Dasht-e-ghurbat mein tumhein kon pukare ga Faraz
Chal parro khud hi jidher dil ki sada le jaye

#Sare Mosam Ro Diye
Is dafa toh baarishen rukti nahin Faraz,
humne aansu kya piye..kay saaray mosam ro diye!!

#Mohabbat Khuda Se Karo
Mohaabt Ker Sakte Ho Tou Khuda Se Karo Faraz
Matti K Khilono'n Se Kabhi Wafa Nahi Milti

#Taaluk
Tujhsey faqat itna sa taaluk hai Faraz,
tu pareshan ho toh hamein neend nahee aati..!

#Chand Lamhon Ki Rahat
Aaj dil khol ke roye hain toh yuun Khush hain Faraz,
Chand lamhon kii ye raahat bhii barii ho jaise!!

#Umr Bhar ka shahara
Kon Deta Hy Umar Bhar Sahara Faraz
Log Tou Janazey Main Bhi Kaandhey Badalte Rehte Hyn